Droogte, brande, vloede, plae … Maar ons staan sterk in die Here!

Welkom by Solidariteit Helpende Hand se Noord-Kaap-blad!

Hier poog ons om volhoubare strukture tot stand te bring en projekte te loods ter bevordering van maatskaplik gebaseerde gemeenskapsontwikkeling. Ons brei en stap vir KANSA. Ons eet skaapkop en afvalpotte ten bate van gemeenskap-studiefondse. Ons sing en vertel stories by tehuise vir bejaardes. Ons ondersteun ons jeug met nasionale projekte soos Bemagtig ʼn Kind, Kosblikkie, Skooltassie, HelpHetta en HelpJag. Ons bemagtig gesinne en individue met assesserings en aanbevelings. Ons bemagtig persone met gestremdhede en ondersteun hul gawes en talente. Ons bou winkels en netwerke met vennote en sê: "Hier's my hand. Waar is joune?"

Ons Noord-Kaapse takke, dorpsverteenwoordigers en vrywilligers se harte klop met passie vir ons gemeenskappe. Ons is bouers van formaat en gehard teen die elemente. Ons kyk enige uitdaging vierkantig in die oë en sê: "Ons sal self met die Here se hulp!"

Is jy 'n bouer? Het jy 'n droom vir jou gemeenskap? Glo jy in die voortbestaan van die Afrikaner-gemeenskap? Sê dan: "Hier's my hand! Ek bou saam."

Kontak gerus enige van ons streekspersoneel as jy nog inligting wil hê, by ons wil aansluit of met een van ons projekte wil help.

Ons sien uit om van jou te hoor!

Noord-Kaapse groete